COVID-19 7 хоногийн тойм -22°C 2639.86 ₮
09 сарын 26, Бямба
Өнөөдөр

Arslan.mn

“Хүүхдийн төв сувилал“ хүүхдийн сувилгаа, сэргээн засах үйлчилгээ, сургалт эрхлэгч байгууллага болно

админ
2020 оны 9 сарын 16

Эрүүл мэндийн яамнаас лавлагаа шатлалын болон төрөлжсөн мэргэжлийн эмнэлгүүдийн хөгжлийн хөтөлбөр, тулгамдаж буй асуудлуудыг хэлэлцэх хамтарсан цуврал уулзалтуудыг зохион байгуулж байна. Есдүгээр сарын 16-ны  уулзалтаар Хүүхдийн төв сувиллын захирал Д.Оюунцэцэг хөгжлийн хөтөлбөрөө танилцууллаа.

Тэрбээр, Сүүлийн дөрвөн жилийн статистикаас харахад улсын хэмжээнд жилд төрсөн нярайн 4-4.5 хувь нь бага жинтэй буюу дутуу төрсөн байна. 2016 оны байдлаар дээрх нярайн 2.8 хувь нь л "Хүүхдийн төв сувилал"-д эмчлүүлж, торнисон бол энэ тоо жил бүр тасралтгүй өссөөр 14 хувьд хүрлээ. Цаашид ч дээрх үзүүлэлтийг ахиулж, тусламж үйлчилгээнийхээ чанар хүртээмжийг нэмэгдүүлэх шаардлагатай байна.



2015 он хүртэл "Хүүхдийн төв сувилал"-ын үйл ажиллагааны дийлэнх хэсэг нь асран халамжлахад чиглэж ирсэн бол өнгөрсөн дөрвөн жилийн хугацаанд хөгжлийн хоцрогдолтой хүүхдийг эмчлэн сувилах, хөгжлийн бэрхшээлтэй хүүхдийг сэргээн засах үйл ажиллагааг түлхүү хөгжүүлж байна.

Харин 2021-2024 онд яаралтай тусламж, эрчимт эмчилгээний тасаг, нярайн эмгэг судлалын хэсгийг байгуулж, хүүхдийн сувилгаа, сэргээн засах үйлчилгээ, сургалт эрхлэгч байгууллага болохыг зорьж байна. Ингэхийн тулд хүний нөөц болон лабораторийн хүчин чадлаа нэмэгдүүлэх шаардлага үүсэж байгаа. Одоогоор хүүхдийн төв сувилалд бариа засал, хөдөлгөөн засал, хоол эмчилгээ, усан эмчилгээг үзүүлж байна. Цаашид сэтгэл засал, хэл засал, ахуй заслын үйлчилгээг шинээр нэвтрүүлэхээр ажиллаж байна гэлээ. ​

Эх сурвалж: ЭМЯ
Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
619881
0 эможи

Зочин
2020-09-17 14:56
ЭМЯ

Холбоотой мэдээ

keyboard_arrow_up