Arslan.mn

Эрүүл мэндийн яамнаас хийсэн ээлжит мэдээллийн үеэр ХӨСҮТ-ийн захирал Д.Нямхүү иргэдийн шинжилгээний хариуны талаар мэдээллээ. 

Тэрбээр "Дөрөвдүгээр сарын 24-нд Дорноговь аймагт коронавирусийн нэг сэжигтэй тохиолдол илэрч, тандалт судалгаа хийж байна.

Дархан-Уул аймагт Алтанбулаг боомтоор орж ирсэн тээврийн 28 жолоочоос шинжилгээ авахад коронавирус илрээгүй." гэв.

ОХУ-ын Москва хотоос ирсэн нэг оюутны  коронавирусийн халдварын шинжилгээний хариу эерэг гарлаа. Ингэснээр Монгол Улсад коронавирусийн халдварын 37 дахь тохиолдол бүртгэгдлээ.

Москва хотоос нийт 32 оюутан ирсэн бөгөөд тэдний 20-д нь коронавирус илэрсэн талаар ХӨСҮТ-ийн Тандалт судалгааны албаны дарга А.Амбасэлмаа мэдээллээ. ОХУ-аас ирсэн оюутнуудыг ХӨСҮТ-д тусгаарлаж байгаа аж.

Манай улсад коронавирусийн халдварын нийт тохиолдол 37-д хүрснээс 8 нь эдгэж, бусад нь ХӨСҮТ-д эмчлүүлж байна.