Arslan.mn

Ард иргэдийн эрүүл мэнд, сайн сайхны төлөө үйлчилдэг эмч нартаа дэлхий нийтээр баярлаж, талархсанаа илэрхийлдэг “Дэлхийн эмч нарын баяр”-ийн өдрийг тохиолдуулан Халдвар судлалын үндэсний төвийн Корона Вирусийн голомтод бүс дээр ажиллаж буй энэ цагийн эгэл баатрууд  нийт эмч нартаа зориулан Ялгуун брэнд бяцхан сэтгэлийн бэлэг барьж, баярлаж талархсанаа илэрхийллээ.

Энэ үеэр ХӨСҮТ-ийн Эмчилгээ эрхэлсэн дэд захирал М.Тунсаг цаг наргүй ажиллаж буй нийт эмч сувилагч нарынхаа хөдөлмөрийг үнэлж, дэмжлэг туслалцаа үзүүлсэн тус хамт олонд ХӨСҮТ-ийн нийт эмч нарын өмнөөс талархал илэрхийллээ.

Мөн тэрбээр " ЭМЯ-аас мэдээлж буй заавар зөвлөмжийг дагаж, иргэн бүр үүрэг хариуцлагатай байх нь дэмжлэг болж байгаа хамгийн том бэлэг юм. Иргэн бүр анхаарал болгоомжоо сулруулахгүй үүрэг хариуцлагатай байж чадах юм бол бид энэ хүнд цаг үеийг хамтдаа даван туулж чадна" гэдгээ хэлэв.