COVID-19 7 хоногийн тойм -22°C 2639.86 ₮
03 сарын 29, Баасан
Өнөөдөр

Arslan.mn

ЭМЯ-НЫ МЭДЭГДЭЛ: Хурган дарга хөл хорионоос оргосонд бид буруугүй

2020 оны 3 сарын 14

Arslan.mn

“COVID-19” халдвараас урьдчилан сэргийлэх, бэлэн байдлыг хангах чиглэлээр ажиллаж буй ЭМЯ-наас мэдэгдэл гаргажээ.

Уг мэдэгдэлд, “Шинэ коронавируст халдвараас урьдчилан сэргийлэх, бэлэн байдлыг хангах чиглэлд Эрүүл мэндийн салбар бүтэн 3 сар гаруй хугацаанд унтаж амрахыг умартан ажиллаж байгаа билээ. Энэ хугацаанд коронавирус илрүүлэх оношлуурыг үйлдвэрлэсэн өдрөөс хойш гуравхан хоногийн дотор гаднаас авчирч 500 гаруй сэжигтэй тохиолдлыг шинжилж, 1000 гаруй хүнийг ажиглалтад авч ажиллаж байна.

Коронавирусний халдвар илэрсэн Францын иргэнийг илрүүлэн эмчлэхийн зэрэгцээ ойрын хавьтлын хүмүүсийг цагдаа, хүчний байгууллагатай хамтран илрүүлж, шинжилгээнд бүрэн хамрууллаа. Ингэхэд ойрын хавьтлын 171, түүнд үйлчилсэн 36, нийт 207 хүний шинжилгээний хариу сөрөг гарч вирус илрээгүй сайхан мэдээтэй байна. Харамсалтай нь сүүлийн үeд коронавирустэй гадны иргэнийг эрүүл мэндийн салбар хилээр нэвтрүүлсэн тухай ташаа мэдээлэл түгээгээд зогсохгүй түүнтэй 2 дугаар хавьталд орсон гэх хурган дарга хөл хорионоос оргосонд бас л салбар буруутай мэтээр бичих боллоо.

Хилээр нэвтрэгсдийг хянах, хорионоос оргогсдыг манах үүрэг эрүүл мэндийн салбарт байхгүй. Иймд аюулт өвчнөөс хүн ардаа хамгаалахын төлөө цаг наргүй хүчин зүтгэж байгаа эрүүл мэндийн салбарын ажилтан, эмч, мэргэжилтнүүдийн урам зоригийг энэ мэт худал хуурмаг мэдээлэл, гүтгэлэг, доромжлолоор мохоохгүй байхыг хүсьe” хэмээсэн байна.

Мэдээнд өгөх таны үнэлгээ?
Like an post Love an post
2
haha an post
wow an post
1
yay an post
1
sad an post
1
ouch an post
confuse an post
1
angry an post
1
614814
26 эможи
keyboard_arrow_up