Засгийн газар 2010-2014 онд Чацаргана үндэсний хөтөлбөрийг хэрэгжүүлж Н.Алтанхуяг 2012 оны 8 сард Ерөнхий сайд болсноор чацарганы тариалалтыг нэмэгдүүлэх үүднээс ХХААЯ-ны Тариалан эрхлэлтийг дэмжих сан /ТЭДС/-аас хөнгөлөлттэй зээл, хүүгүй зээл буюу дэмжлэг үзүүлсэн байдаг. Чацаргана үндэсний хөтөлбөр хэрэгжиж эхэлсэн хугацаанд улсын төсөв болон гадаадын зээл тусламжаар 10.2 тэрбум төгрөгийг үүнд зарцуулжээ.

Тухайн үед буюу 2012-2014 онд ҮХАА-н сайдаар одоогийн Монгол Улсын Ерөнхийлөгч Х.Баттулга ажиллаж байсан бөгөөд жилийн 2.4 хувийн хүүтэй 5 жилийн хугацаатай зээлийг 70 компанид олгосон бол тусгайлан сонгосон найман аж ахуйн нэгжид жимс жимсгэний тариалалтыг нэмэгдүүлэх, төрөл сортыг олшруулах зорилгоор 7 жилийн хугацаатай тус бүр 750 сая төгрөгийн хүүгүй зээл олгосон байна. Энэ нь Ерөнхий сайд Н.Алтанхуяг ҮХАА-н сайд Х.Баттулга нарын үед олгогдсон одоогоор мэдэгдээд байгаа нийт 6 тэрбум төгрөгийн хүүгүй зээл болж байгаа юм. Зээл нь 2013 оны 5-12 дугаар сард эзэддээ бүрэн очжээ.

Энэхүү зээлээс тухайн үеийн Ерөнхий сайд одоогийнхоор бол Монгол Улсын Ерөнхийлөгч Х.Баттулгын Улс төрийн бодлогын зөвлөхөөр ажиллаж буй Н.Алтанхуяг өөрийн үүсгэн байгуулсан “Хаан жимс Эс Би Ти” ХХК-ийнхаа нэр дээр 750 сая төгрөг авчээ. 7 жилийн хугацаатай хүүгүй зээл авсан компани болон үүсгэн байгуулагч эздийг дараах жагсаалтаас харж болно. Аль нь хэнийх вэ гэдгийг уншигчид та бүхэн тунгаана биз.

Одоогоор зээлийн хугацаа дуусахад 2-хон жил үлдсэн бөгөөд компаниуд өнгөрсөн хугацаанд зээлээ хэрхэн яаж төлсөн нь тодорхойгүй байна. Холбогдох албан тушаалтан болон ХААХҮЯ-ны ТЭДС-аас энэ талаар албан ёсны мэдээлэл өгнө гэдэгт найдаж байна.

РД	Компанийн нэр	Үүсгэн байгуулагч	Авсан зээл	Харьяалал
5306922	Таримал загийн төрөл	Гал Алтанцэцэг	750.000.000	УБ
3736806	Товхонжимс	1.Нанзаддорж Өөдөс 2.Энхболд Санаа	750.000.000	Сэлэнгэ аймаг Цагааннуур сум
2001977	Солонго талст	Ширнэн Хорлоо	750.000.000	Увс аймаг Улаангом сум
2785218	Гурван сээр	Цагаач Оюунжав	750.000.000	Улаанбаатар хот БЗД
2743469	Үдлэг эд	Гэндэн Очирбат	750.000.000	Төв аймаг Батсүмбэр
2817721	Хаанжимс Эс Би Ти	1.Норов Алтанхуяг 2.Норов Наранцэцэг 3.Бадарч Цог-Очир	750.000.000	Улаанбаатар СБД
???	Дархан УГТСЭШХ	???	???	???
???	Дорнод ЭШС	???	???	???
???	Увс ЭШС	???	???	???

1 ТЭДС-аас хүүгүй зээл авсан 7 компани хэн нь хэнийх вэ?！

Харин Үндэсний Аудитын газраас 2014 онд хийсэн ҮАГ-НАГ/2014/07-НА шалгалтын тайланд дурдсан 750 сая төгрөгийн хүүгүй зээл авсан 8 байгууллагаас дээрх 6 компаниас гадна Дархан УГТСЭШХ, Дорнод ЭШС, Увс ЭШС гэх байгууллагуудыг Улсын бүртгэлийн албан ёсны сайтаас http://opendata.burtgel.gov.mn/les?condition=2&text=%D0%A3%D0%B2%D1%81 хайгаад олсонгүй. Магадгүй энэ нь ЭШС буюу эрдэм шинжилгээний станц эсвэл хүрээлэн байх магадлалтай бөгөөд ҮХААХҮЯ-наас албан тайлбар хийхийг хүсч байна.

Дараагийн удаад ТЭДС-аас жилийн 2.4 % хүүтэй 5 жилийн хугацаатай зээл авсан 70 иргэн, аж ахуйн нэгжийг зарлахаар ажиллаж байна.

2 ТЭДС-аас хүүгүй зээл авсан 7 компани хэн нь хэнийх вэ?！