Arslan.mn

Өнөөдөр МҮИС-аас хэвлэлийн бага хурал хийж, БШУ-ны сайд Л.Энх-Амгаланг шүүхэд өгөхөө мэдэгдлээ. Энэ үеэр МҮИС-ийн багш Б.Отгонбаяр "Л.Энх-Амгаланг нийт хүүхдүүдээс уучлалт гуй. Биднийг яагаад доромжилж байгаа юм бэ гэж асууж байна. Та хөдөө орон нутгийн залуучууд, эцэг эхчүүд, багш нараас яг одоо уучлалт гуй. Хэрвээ уучлалт гуйж чадахгүй бол энэ багш нар болон хөдөө орон нутгийн азлуучуудын нэрийн өмнөөс ямар нэгэн байдлаар тэмцлийн хурц хэлбэрт шилжих болно. Магадгүй миний хэлсэн үгийг үг гэж тоохгүй бол би өөрийгөө зулын гол болгоход ч бэлэн байгаа шүү." хэмээлээ.

Сайдаа сүрдүүлээд нэрний төлөө амь насаараа дэнчин тавьж буй түүнийг олон нийт сайшаахаасаа илүүтэй өрөвдөж харах нь их гэлтэй. Энэ нэрийг яагаад ингэж их авахыг хүсээд байдаг нь тодорхой. Учир нь тус нэрийг англи хэлрүү хөрвүүлвэл Монгол Улсын их сургууль л гэж уншигдана. Түүгээрээ далимдуулан гадны улсаас олон тендер авдаг байх магадлалтай юм. 

Тэгвэл энэ үйлдлийн хариуд БШУ-ны сайд Л.Энх-Амгалан "МҮИС бол МУИС-тай адилхан нэр авснаар олон мянган хүүхдийн ирээдүйн боловсролд эрсдэл үүсгэсэн, гэмт хэргийн шинж чанартай харагдаж байна. Монголын үндэсний их сургууль хэмээх нэр Монгол түмний өмч. Хэн нэгний хувийн компани үүнийг өмчилж, бизнес хийх эрх байхгүй. МҮИС намайг шүүхэд өгч байгаа бол би ч бас шүүхэд өгч шийдүүлнэ. Намайг уучлалт гуй гэсэн. Надаас хулгай хийсэн хүнээс би уучлалт гуйхгүй" хэмээн цахим хуудсандаа  бичжээ.