COVID-19 7 хоногийн тойм -22°C 2639.86 ₮
03 сарын 29, Баасан
Өнөөдөр

Arslan.mn

Сургалтад хамрагдсан мэргэжлийн бүжиг дэглээчдэд сертификат гардуулав

2018 оны 6 сарын 06

Arslan.mn

Боловсрол, соёл, шинжлэх ухаан, спортын яам, Монголын мэргэжлийн бүжиг дэглээчдийн холбооноос хамтран энэ сарын 4-8-нд Улаанбаатар хотод зохион байгуулсан “Бүжиг дэглээчдийн мэргэжил дээшлүүлэх сургалт”-д амжилттай хамрагдсан бүжиг дэглээчдэд өнөөдөр сертификат олголоо. БСШУСЯ-ны Соёл, урлагийн бодлогын газрын дарга Б.Сэргэлэн, Монголын мэргэжлийн бүжиг дэглээчдийн холбооны тэргүүн Б.Жамьяандагва нар 21 аймгийн театр, чуулгын нийт 28 бүжиг дэглээчдэд сертификатыг нь гардуулж, сургалтаас олж мэдсэн сурсан арга туршлагаа түгээн дэлгэрүүлэхийг хүслээ.

Энэхүү сургалт нь мэргэжлийн бүжиг дэглээчдийн суурь мэдлэгийг түшиглэн орчин үеийн бүжгийн урлагийн мэдлэг туршлага, арга зүйгээс хуваалцах, бүжгийн урлагтай зайлшгүй холбоотой мэдлэг, мэдээллийг олгох, дэглээчдийн хамтын ажиллагааг өргөжүүлэх зорилготой байлаа. Сургалтаар орчин үеийн бүжгийн техник, бүжгийн найруулга зүй, тэнцвэр хадгалах урлаг, бүжгийн хөгжмийн зохиолын анализ, бүжгийн гэрлийн дизайн зэрэг хичээлийг заасан юм. Мөн төрөөс соёлын талаар баримтлах бодлого, соёл, урлагийн салбарын хууль,  эрх зүйн орчин, холбогдох дүрэм журам болон урлагийн менежментийн чиглэлээр өргөн хүрээнд мэдлэг, мэдээлэл олгохоор нийт 45 цагийн хичээлийг амжилттай явууллаа.  

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
596051
0 эможи

keyboard_arrow_up