Arslan.mn

БНСУ-д ажиллахыг хүсэлтэй иргэдийг Хөдөлмөр, халамжийн үйлчилгээний ерөнхий газраас өчигдөр цахимаар бүртгэлээ.

Бүртгэлийн дугаар олгох системд http://solongos.hudulmur-halamj.gov.mn-д нэвтэрч, өөрийн мэдээллийг бүртгүүлж, дугаар авсан иргэд дүүргүүдийн ЗДТГ-т энэ сарын 6-7-нд 08.00-12.00, 13.00-17.00 цагийн хооронд өөрийн биеэр очиж, цахим бүртгэлээ баталгаажуулах аж. Ингэхдээ .5-4.5 харьцах хэмжээний цээж зураг, иргэний үнэмлэхийг хуулбарын хамт авчрах юм. Үнэмлэхгүй бол ТҮЦ машинаас авсан лавлагааг үндэслэх аж.

Бүртгүүлэгчид дараах шаардлагыг тавьжээ. Үүнд:

• 18-аас 39 настай байх (1979 оны наймдугаар сарын 7-ноос 2001 оны наймдугаар сарын 6-ны өдрийн хооронд төрсөн байх)
• Хорих ялтай эсвэл түүнээс илүү хүнд ялтай гэмт хэрэгт холбогдоогүй байх
• БНСУ-аас албадан гаргах буюу тус улсыг орхин явах захирамж гаргуулж байгаагүй байх
• Монгол Улсаас гарах эрхээ хязгаарлуулаагүй байх
• Мэргэжлийн бус ажилчны E-9, усан онгоцны ажлын E-10 визээр БНСУ-д таваас дээш жил ажиллаагүй байх зэрэг шаардлага тавих аж.

БНСУ-д ажилчин илгээх цорын ганц илгээгч байгууллага нь Хөдөлмөр, халамжийн үйлчилгээний ерөнхий газар тул Хөдөлмөрийн гэрээгээр ажиллахаар сонирхож буй иргэд залилангийн шинжтэй хувь хүн, байгууллагуудад хууртахгүй байхыг албаныхан сэрэмжлүүлж байна.