Arslan.mn

2018 оны эцсийн гүйцэтгэлээр орон сууцны үнийн индекс 1.055 нэгж буюу өмнөх сараас 0.37 хувиар өссөн талаар “Тэнхлэг Зууч” компани мэдээллээ.

Ерөнхий индекс өмнөх сараас өсөхөд хуучин орон сууцны үнийн индекс 1.63 хувиар гол нөлөө үзүүлсэн бол шинэ орон сууцны үнийн индекс 0.56 хувиар буурсан байна. Сүүлийн нэг жилд орон сууцны үнийн индекс дунджаар 4.21 хувиар өссөн бөгөөд шинэ орон сууцны үнийн индекс илүү өндөр хувиар өссөн болохыг “Тэнхлэг зууч” компани мэдээллээ. Индексийг тооцож эхэлсэн зургаан жилийн хугацаанаас харвал 2016-2018 онд орон сууцны үнийн индекс буурч тогтвортой түвшинд хадгалагдаж байгаад 2018 оны II хагасаас эргэн өсөж эхэлсэн байна. 2018 оны 12 дугаар сарын үнийн индексийг тооцохдоо зах зээлд нийлүүлэгдсэн шинэ болон хуучин 4552 орчим орон сууцны мэдээллийг хамруулжээ.