Arslan.mn

Нийслэлийн тээврийн газрын дарга Д.Отгонбаатар болон байгууллагын удирдлагууд Автотээврийн салбарын “Гавьяат тээвэрчин” цол тэмдэг хүртсэн Намсрайн Нямдавааг хүлээн авч, хүндэтгэл үзүүллээ.
Н.Нямдаваа нь Улаанбаатар хотын Автобусны 2 дугаар баазад 1982-1987 онд ээлжийн инженер, ахлах инженер, баазын дарга, 1987-1993 онд Троллейбусны комбинатын дарга, 1993-1997 онд Улаанбаатар хотын Тээврийг удирдах газрын дэд дарга, 1997-2001 онд Улаанбаатар хотын Тээвэр зохицуулалтын газрын дарга, 2001-2004 онд “Цахилгаан тээвэр” компанийн захирал, 2004-2008 онд Зам, тээвэр, аялал жуулчлалын яамны Тээврийн бодлого, зохицуулалтын газрын дарга, 2008-2012 онд Зам, тээвэр, барилга, хот байгуулалтын яамны Зам, тээврийн бодлогын газрын орлогч даргаар тус тус ажиллаж байгаад өндөр насны тэтгэвэрт гарсан манай ахмад тээвэрчин юм.