Arslan.mn

Шинэ Ерөнхийлөгч У.Хүрэлсүх өнөөдөр буюу долдугаар сарын 09-ны өдрийн 11:40 цагт албаа хариуцлагатай хашиж, салбартаа олон жил зүтгэсэн нэр бүхий эрхмүүдэд цэргийн дээд цол гардуулахаар болжээ.

Тухайлбал, Цагдаагийн Ерөнхий газрын дарга, Дотоодын цэргийн командлагч, цагдаагийн хурандаа Ж.Болд, Тагнуулын ерөнхий газрын дарга П.Одонбаатар, Төрийн тусгай хамгаалалтын газрын дарга П.Батаа нарт Генерал цол олгохоор зарлиг гаргажээ. 

Цагдаагийн Ерөнхий Газрын дарга Ж.Болдын хувьд цагдаагийн байгууллагад нэр төртэй олон жил ажилласан, удирдлагын түвшинд бэлтгэгдсэн чадварлаг залуучуудын нэг юм. Тэрээр 1996 оноос Хэнтий аймгийн цагдаагийн газарт мөрдөн байцаагчаар ажлын гараагаа эхэлж байжээ. Түүний хувьд цагдаагийн байгууллагын үе үеийн дарга нарын адил цэргийн дээд цол авах болзол нь хангагдаад буй. ЦЕГ-ын дарга Ж.Болд нь эрх зүйт нийгмийн гол үндэс болсон хуульч ажиллагааг бүх шатандаа хэвшүүлэхээр зорьж, ажиллаж буй. 

Мөн Ардын хувьсгалын 100 жилийн ойг тохиолдуулан Төрийн дээд одон, медаль гардуулна.