Arslan.mn

УИХ дахь МАН-ын бүлэг ээлжит хуралдаанаа хийсэн. Хуралдаанаар хэлэлцсэн асуудлын талаар мэдээлэл хийж, сэтгүүлчдийн асуултад хариуллаа.

Энэ үеэр төрийн өмчийн компанийн захирлууд хүүхдийнхөө төлбөрийг төлүүлсэн, улсын мөнгийг хувьдаа зарцуулсан хүмүүст хариуцлага тооцохгүй юм уу.  "Эрдэнэт" үйлдвэрийн захирал Х.Бадамсүрэнгийн асуудлыг бүлгийн хурлаар хэлэлцсэн үү гэсэн асуултад бүлгийн дарга Д.Тогтохсүрэн хариуллаа. Тэрээр " Хариуцлага хүлээх ёстой гэж бодож байгаа. Манай бүлгийн гишүүд бүгд ижил байр суурьтай байгаа. Хариуцлага тооцох байгууллага нь Засгийн газар. Тиймээс Засгийн газар "Эрдэнэт" үйлдвэрийн удирдлагатай холбоотой асуудлыг ойрын үед хэлэлцэх байх. Авсан цалин урамшууллаа буцааж төлсөн ч гэсэн тэр үйлдлийнхээ төлөө хариуцлага хүлээдэг байх хэрэгтэй." гэв.