Arslan.mn

УИХ-ын чуулганы нэгдсэн хуралдаанаар Ковид19 цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төслийг хэлэлцлээ.

Энэ үеэр Ц.Даваасүрэн гишүүн дараах байр суурийг илэрхийллээ. 

Тэрээр "Ковидын хуулийн үйлчлэлийг үргэлжлүүлж болохгүй. Энэ хууль Үндсэн хууль зөрчөөд байгаа юм. Үндсэн хуулийн 19.2-т "Онц болон дайны бэлэн байдал зарласан тохиолдолд хүний эрхийг хуулиар хязгаарлаж болно" гэж заасан байдаг. Гэтэл одоо хүссэн газраа зорчих, улс орондоо ирж, очих, бизнес эрхэлж орлого олох, ажил хийж цалин авах эрх, сурч боловсрох эрхийг зөрчиж байгаа. Ийм  байдлаар Үндсэн хуулиа зөрчиж болохгүй. Тиймээс онц байдлаа зарлаад яв. Эсвэл гамшиг гэж үзэж байгаа бол Гамшгийн хуулиараа яв. Үндсэн хуулиа дуртай үедээ зөрчдөг болчихвол эрх зүйт төр гэж байхаа болино. Төсөв санхүү ч үнэхээр замбараагүй боллоо. Ирээдүйн өв санд долоо их наяд төгрөг байх ёстой. Гэтэл одоо гурван их наяд болчихсон байна. Уг нь энэ мөнгийг 2030 он хүртэл зарцуулахгүй гээд хууль баталчихсан. Одоо даатгалын сан руу орох гэж байна. Энэ мэтээр ковидын хууль төсөв санхүүгийн замбараагүй байдлыг бий болгож байна." гэв.