Arslan.mn

УИХ өнөөдөр нэгдсэн чуулганаа цахимаар хуралдуулна. УИХ-ын даргын дэргэдэх зөвлөлөөс гаргасан шийдвэрийн дагуу өнөөдөр болон маргаашийн чуулганы хуралдаанаар дараах асуудлуудыг хэлэлцэхээр төлөвлөөд байгаа юм.

Чуулганы хуралдааны эхэнд УИХ Улсын онцгой комиссын мэдээллийг сонсохоор төлөвлөөд байна. 

• Цагийн үеийн шинжтэй асуудлаар мэдээлэл; 
• Үндсэн хуулийн цэцийн 2020 оны есдүгээр дүгнэлт;
• Үндсэн хуулийн цэцийн 2020 оны аравдугаар дүгнэлт;
• Шүүхийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /Ерөнхийлөгч 2020.04.23-нд өргөн мэдүүлсэн, хэлэлцэх эсэх/;
• Шүүгчийн эрх зүйн байдал, сахилга, хариуцлагын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /Ерөнхийлөгч 2020.04.23-нд өргөн мэдүүлсэн, хэлэлцэх эсэх/;
• Хуульчийн эрх зүйн байдлын тухай хуулийн шинэчилсэн найруулгын төсөл болон  хамт өргөн мэдүүлсэн хуулийн төслүүд /Ерөнхийлөгч 2020.04.23-нд өргөн мэдүүлсэн, хэлэлцэх эсэх/;
• Гадаадын иргэний эрх зүйн байдлын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2020.03.05-нд өргөн мэдүүлсэн, анхны хэлэлцүүлэг/;
• Монгол Улсын 2021 оны төсвийн тухай хууль баталсантай холбогдуулан авах арга хэмжээний тухай УИХ-ын тогтоолын төсөл;
• Ерөнхий сайдын мэдээлэл: Зам тээврийн салбарт хэрэгжиж байгаа бүтээн байгуулалтын ажлын явцын талаар.