COVID-19 7 хоногийн тойм -22°C 2639.86 ₮
03 сарын 29, Баасан
Өнөөдөр

Arslan.mn

Завхан аймаг Монгол Улсын ДНБ-ий 1.2 хувийг үйлдвэрлэдэг

2018 оны 4 сарын 01

Arslan.mn

Монгол Улсын Их Хурлын дэд дарга Я.Санжмятав, УИХ-ын гишүүн З.Нарантуяа нарын санаачилгаар “Завхан аймгийн хөгжил” төр, шинжлэх ухаан, хувийн хэвшлийн хамтын ажиллагаа уулзалт, зөвлөгөөн Төрийн ордонд боллоо.

Өчигдөр болсон уг зөвлөгөөний эхэнд Завхан аймгийн Засаг дарга Д.Батсайхан хэлсэн үгэндээ 72,1 мянган хүн ам, 3.6 сая малтай тус аймаг Монгол Улсын дотоодын нийт бүтээгдэхүүний 1,2 хувийг үйлдвэрлэдэг болохыг онцлоод хүний хөгжлийн “Таван сайн хөтөлбөр”, түүний дотор үйлдвэрлэлийг хөгжүүлэх “Сайн бизнесмен” хөтөлбөр боловсруулан ажиллаж байгаагаа танилцуулсан юм. Завхан аймаг малын гоц халдварт өвчингүй гурван аймгийн нэг бөгөөд мал аж ахуйн гаралтай түүхий эдийн арвин нөөц, экологийн цэвэр бүтээгдэхүүн үйлдвэрлэх боломж, хатуу хучилттай автозамын сүлжээний сайжралт болон ОХУ-тай хил залгаа оршдог байршил зэргээ давуу тал гэж үзэж буй аж.

Зөвлөгөөнд Улаанбаатар хот дахь нутгийн зөвлөлийн гишүүд болон эрдэмтэн, судлаачид, бизнес эрхлэгчид оролцож, Завхан аймагт аялал жуулчлал хөгжүүлэх, ноос, ноолуур, арьс шир боловсруулах, мах бэлтгэх үйлдвэр байгуулах боломж, шийдлүүдийн талаар ярилцжээ. 

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
55540
0 эможи
keyboard_arrow_up