Сорилтоор дүүрэн Л.Оюун-Эрдэнийн ӨДРҮҮД Сорилтоор дүүрэн Л.Оюун-Эрдэнийн ӨДРҮҮД
COVID-19 7 хоногийн тойм -22°C 2639.86 ₮
03 сарын 29, Баасан
Өнөөдөр

Arslan.mn

Сорилтоор дүүрэн Л.Оюун-Эрдэнийн ӨДРҮҮД

2021 оны 8 сарын 03

Arslan.mn

Л.Оюун-Эрдэнэ Ерөнхий сайдаар томилогдоод зургаан сар гаруй боллоо. Анх болоход нь “Дөрвөн сар болоод л огцорно” гэцгээж байсан. Бодвол МАН-ын дарга У.Хүрэлсүх Ерөнхийлөгчид нэр дэвшинэ, тэгэхээр Ерөнхийлөгчийн сонгуулийн өмнөхөн МАН-д ч, засагт ч “хөдөлгөөн” орох ёстой гэж хэн нэгэн үзсэн юм шиг байгаа юм. Гэвч тийм зүйл болсонгүй. Ерөнхийлөгчийн сонгууль өнгөрч, Ерөнхий сайд Л.Оюун-Эрдэнэ МАН-ын дарга болчихсон.

Л.Оюун-Эрдэнийг албан тушаал талаас нь харвал тун хурдан өгсчихсөн юм. 2016 онд УИХ-ын гишүүн болж байсан Л.Оюун-Эрдэнэ гурван жилийн дараа ЗГХЭГ-ын дарга, дөрвөн жилийн дараа Ерөнхий сайд болчихож байгаа юм.

Гэхдээ энэ удаа Л.Оюун-Эрдэнэд ирсэн Ерөнхий сайдын албан тушаал маш хүнд ачаатай. Коронавируст цар тахлын үе таарсан. Хүн төрөлхтнийг сөхрүүлж буй энэ цар тахал Монголыг тойрсонгүй. Тойрохгүй нь ч ойлгомжтой. Хэдэн мянган хүн өвдөж, хэдэн зуун хүнээ алдлаа. Энэ цар тахлаас хэзээ ангижрахыг  бөөрөнхий дэлхий дээр одоогоор хэн ч хэлж мэдэхгүй байна.

Чухам ийм цаг үед дэлхийн эдийн засаг үүдээ барьж, улс орнууд үүцээ шавхаж байна. Өөрөөр хэлбэл, энэ цаг үеийг давж гарна гэдэг улс орнуудын хувьд маш том шалгуур болоод байгаа юм.

Ер нь Л.Оюун-Эрдэнэд очсон Ерөнхий сайдын суудлыг коронавируст цар тахлын аюул, тархалт, үүний эсрэг вакцин, Ерөнхийлөгчийн сонгууль, удахгүй болох нөхөн сонгуулиуд, эдийн засгийн уналт, авлигын эсрэг тэмцэл гээд олон асуудал дагасан.

Харин тэрбээр энэ асуудлуудыг тайван шийдэж, бага багаар давсаар байна. Хүн амын вакцинжуулалтыг 60 хувь давуулчихлаа. Энэ уг нь амаргүй ажил гэдгийг ДЭМБ нотлоод байдаг. Энэ вакцинжуулалтын асуудлаар дотооддоо өөлүүлж, гадаад ертөнцөд үнэлүүлж яваа нь үнэн юм.

Эдийн засгийг дэмжих 10 их наядын хөтөлбөрийг хэрэгжүүлж байна. Сайн муу хэлүүлсэн ч зах зээлд эргэлт үүсчихээд байгаа юм. Ингэж ажилласнаар эдийн засгийн өсөлт “-6”-гаас “+6” болж өсчээ. 2019 оны өдий үетэй ижил хэмжээнд оччихсон тоон үзүүлэлт гарсан байна.

Үүнээс гадна өнгөрсөн хагас жилийн хугацаанд Цэцийн асуудал, хөл хорио, Оюутолгойн 300 мянган төгрөг зэрэг санаанд оромгүй хувилбарыг тэр гаргаж хэрэгжүүлэв.

Одоо авлигын индексийг бууруулахаар эхлүүлсэн акц нь эрчимтэй явж байна. Зам-Үүд боомтод нэлээд том салхи орууллаа. Цаашлаад Гашуунсухайт, тэндхийн тээвэрт гардаг авлигын асуудал сөхөгдөх юм байна. Мөн олон жилийн авлигын “наадам”-д торгон жолоо өргүүлж ирсэн гаалийн байгууллага энэ үйл ажиллагааны хүрээнд цэгцрэх бололтой. Нөгөө талаас төрийн дунд, доод шатны албан хаагчдын голдуу холбогдддог авлигын асуудал энэ акцны гол анхааралд байх ажээ.

Авлигын эсрэг тэмцэл нь үргэлжилнэ гэдгийг Ерөнхий сайд Л.Оюун-Эрдэнэ өөрөө хэлээд байна лээ. Үүний нөлөөгөөр эрх ашиг нь хөндөгдөж буй улс төр, бизнесийн нөлөө бүхий этгээдүүд ч нэгдэж нийлээд эсэргүүцэх чимээ бас бий. Гарах л ёстой үзэгдэл.

Түүнчлэн Ерөнхий сайд Л.Оюун-Эрдэнийн Японд хийсэн ажлын айлчлал тун сайн, үр дүнтэй болсон гэж экспертүүд дүгнэсэн байна. Олимпийн нээлттэй давхцуулсан энэ айлчлалынхаа эхэнд нутаг нэгтнүүдээсээ шүүмж их сонссон. Харин айлчлал үргэлжилж Японы ерөнхий сайдтай улс төр, эдийн засгийн том хэлцэл хийж, эх орондоо буцах замдаа Солонгосын ерөнхий сайд, тус улсын “Эксим” банкныхантай хийсэн уулзалтаар бас хөрөнгө оруулалт татах тал дээр сайн хэлэлцээр хийж чаджээ.

Ерөнхийд нь харвал Л.Оюун-Эрдэнийн Ерөнхий сайд болсноос нь хойшх өдрүүд сорилт дундуур л өнгөрч байна. Юм юмтай. Ажлын амжилт муугүй. Боломжийн гарц гаргалгаа олчихсон шийдлүүд нэлээд байна. Шүүмжлэл ч багагүй дуулддаг. Энэ ч байх ёстой. Улс төр шүү дээ.

Хамгийн гол нь Монгол Улс энэ коронавируст цар тахлыг хохирол багатай давж, эдийн засгаа сэргээгээд, авлигагүй, “шилэн” нийгмийг бий болгох нь нийтийн ашиг сонирхол юм л даа. Засаг төр үүнд л нийцэж ажиллах учиртай юм.

 

Т.Батсайхан

Эх сурвалж: “Зууны мэдээ” сонин

 

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
1
confuse an post
angry an post
629396
2 эможи

зочин
2021-08-23 10:21
тиймүү
АХМАДУУДААС
2021-08-23 10:21
КОРОНА ХАЛДВАРТ ӨВЧИН ИХСЭЭД БАЙГАА ЭНЭ ХҮНД ӨДРҮҮДЭД АХМАДУУДЫНХАА ТЭТГЭВЭРИЙГ 10-Р САРЫН 1-НИЙ АХМАДЫН БАЯРААР НЬ НЭМЭЭД ӨГЧИХӨЖ БОЛОХГҮЙ ЮУ ЮМНЫ ҮНЭ ӨССӨН АХМАДУУД ХЭЦҮҮХЭН БАЙНА ШҮҮ ДЭЭ
Зочин
2021-08-04 18:32
Хоосон попролоор улс удирдахгүй гэдэг нь тодорхой болж байна
Иргэн
2021-08-04 17:40
Төрд шургалсан луйварчдаас зоригтой салж Сү.Батболд мэтийн хулгайчуудыг хөрөнгийг хурааж улсынхаа өрийг төлөх, оффшорын мөнгийг татаж оруулж ирвэл ёстой ард түмэн итгэж дэмжинэ дээ!
we
2021-08-04 13:49
Бүгдээрээ энэ өдрийн мэнд, та санхүүгийн бэрхшээлийг даван туулж байна уу, бөөрөө 520,000 доллараар зарж, эрүүл чийрэг байх боломж танд байна. Фортис эмнэлэг нь бөөрний ноцтой донороос 520,000 доллараар бөөр худалдаж авч байгаа бөгөөд тэд хамгийн сайн эмчтэй, хүссэн зүйлээ олж авах, ядуурлаас ангижрах боломжтой, хэрвээ та бөөрний өвчний улмаас бөөр шилжүүлэн суулгахыг хүсч байвал. бөөр шилжүүлэн суулгахад тусална Хэрэв та бөөр худалдаж авах эсвэл зарахыг хүсч байвал fortis hospital -тай холбоо бариарай Тэд танд хагалгаанд орохын тулд визээ боловсруулж, эмчилгээний дараа шууд өгөх мөнгийг танд төлдөг Мэс засал хийвэл танд үлдэгдэл мөнгийг өгнө сонирхож байгаа бол эмнэлгээр дамжуулан холбоо барьж болно fortis.hospital.in@gmail.com
we
2021-08-04 13:49
Бүгдээрээ энэ өдрийн мэнд, та санхүүгийн бэрхшээлийг даван туулж байна уу, бөөрөө 520,000 доллараар зарж, эрүүл чийрэг байх боломж танд байна. Фортис эмнэлэг нь бөөрний ноцтой донороос 520,000 доллараар бөөр худалдаж авч байгаа бөгөөд тэд хамгийн сайн эмчтэй, хүссэн зүйлээ олж авах, ядуурлаас ангижрах боломжтой, хэрвээ та бөөрний өвчний улмаас бөөр шилжүүлэн суулгахыг хүсч байвал. бөөр шилжүүлэн суулгахад тусална Хэрэв та бөөр худалдаж авах эсвэл зарахыг хүсч байвал fortis hospital -тай холбоо бариарай Тэд танд хагалгаанд орохын тулд визээ боловсруулж, эмчилгээний дараа шууд өгөх мөнгийг танд төлдөг Мэс засал хийвэл танд үлдэгдэл мөнгийг өгнө сонирхож байгаа бол эмнэлгээр дамжуулан холбоо барьж болно fortis.hospital.in@gmail.com
Зочин
2021-08-03 08:26
Ерөнхий сайдыг магтах гэж ядсан хүний үг. Үнэндээ энэ засгийн газар өнгөрсөн засгийн газруудаас хамгийн муу ажиллаж байна шүү дээ. Даравч дардайна, Булавч бултайна гэдэг үг байдагдаа.
keyboard_arrow_up