Arslan.mn

Төв аймгийн барилга орон сууц нийтийн аж ахуйн салбарт ажиллаж буй төрийн болон хувийн хэвшлийн удирдлагууд, ажилтануудтай БХБЯам, Барилгын хөгжлийн төвийн холбогдох албаныхан уулзалт хийж ирэх 4 жилд хэрэгжүүлэх ажлууд болон Засгийн газрын бодлого шийдвэрийн талаар танилцууллаа.

Тэр дундаа Төв аймагт түшиглэн төлөвлөсөн хот байгуулалтын ажлууд, шинээр байгуулах дагуул хотууд( Шинэ Зуунмод хот, Майдар хот)-ын талаар орон нутгийн барилгын салбарынхантай санал бодлоо солилцлоо.

Салбарын сайд аймаг орон нутагт биечлэн ажиллаж, бодит байдалтай танилцан төрийн бодлогын хэрэгжилт, ажил үйлчилгээний чанар, үр дүнгийн талаар мэргэжлийн байгууллагууд, инженер техникийн ажилтнуудтай газар дээр нь зөвлөлдөж, тэдний санал бодлыг цаашдын бодлого хөтөлбөртөө тусгаж ажиллахын чухлыг Барилгын салбарт сүүлийн 3 сарын дотор зохион байгуулагдсан томоохон уулзалт зөвлөгөөнүүд, оролцогчдын идэвх оролцоо, тэднээс гарсан санал санаачилгууд харуулж байна.