Arslan.mn

Монгол Улсын Ерөнхийлөгч Х.Баттулга шинэ жилийн мэндчилгээ дэвшүүлэхдээ ахмад настны тэтгэврийн зээлийг нэг удаа тэглэх шийдвэрийг ҮАБЗ-өөс гаргасан гэж мэдэгдсэн юм. Энэхүү мэдэгдэл улс төрийн хүрээ болон нийгмийн сүлжээнд шүүмжлэл дагуулаад буй юм.

Энэ асуудлаар ЗГХЭГ-ын дарга Л.Оюун-Эрдэнээс тодрууллаа.

Тэрбээр " ҮАБЗ зөвлөмж Засгийн газарт сая ирсэн. Үүнийг ирэх Даваа гарагт Засгийн газрын хуралдаанаар хэлэлцэхээр болж байна. Засгийн газраас хууль боловсруулах ажлыг ХНХ-ын сайд С.Чинзоригоор ахлуулахаар болсон. Зээлийн дарамтад төр засаг анхаараас өөр аргагүй нөхцөл байдалд ороод байгаа. Эдийн засгийн эргэлтэд зарим орднуудыг оруулах байдлаар энэ асуудлыг цэгцлэе гэдэг чиглэлээр ажиллана. Тиймээс зарим ордыг эдийн засгийн эргэлтэд оруулах замаар шийдвэрлэе гэсэн үүднээс гаргасан шийдвэр. 

Салхитын мөнгөний ордын ТЭЗҮ гарсан. Улсад хоёр их наяд төгрөгийн хөрөнгө хуримтлуулах боломжтой таван жилийн хугацаатай ТЭЗҮ гарсан байгаа. Үүний үр өгөөжийг иргэдэд шууд хүртээх жишиг тогтоох ерөнхий ажил хийгдэж байна гэж би хувьдаа ойлгосон.  

Гэхдээ энэ асуудлыг Засгийн газрын хуралдаанаар хэлэлцэж байж эцсийн шийдвэр гарна. Бүх яамдууд ярилцана " гэв.