Arslan.mn

Засгийн газрын хуралдаан үргэлжилж байна. Өнөөдрийн хуралдаанаас Дорноговь аймгийн Алтанширээ суманд баригдаж буй Газрын тос боловсруулах үйлдвэрийн хэрэгцээнд 255 га газрыг нэмж авахаар болжээ. Ингэснээр нийт 400 гаруй га газарт үйлдвэрийн бүтээн байгуулалт хийгдэхээр болсон байна.

Газрын тос боловсруулах үйлдвэрийг анх 150 га талбайд барьж байсныг ийнхүү нэмэгдүүлэх шийдвэр гаргажээ.

Мөн 2019 оны аравдугаар сарын 8-нд Газрын тосны үйлдвэрийн төмөр зам, автозам, 110 КВ-ын цахилгаан дамжуулах агаарын шугам, дэд станцыг улсын комисс хүлээж авахаар болсон байна.