7 хоногийн тойм -22°C 2639.86 ₮
08 сарын 18, Ням
Өнөөдөр

Arslan.mn

“Найрамдал” цогцолбор орчимд олгосон газрын асуудлыг цэгцэлнэ

админ
2019 оны 5 сарын 29

Arslan.mn

Засгийн газрын ээлжит хуралдан 2019 оны 05 дугаар сарын 29-ний өдөр боллоо.

Тус хуралдаанаар олон улсын хүүхдийн “Найрамдал” цогцолборыг 2020 оны 01 дүгээр сарын 01-ний өдрөөс эхлэн улсын төсөвт үйлдвэрийн газар болгохоор шийдвэрлэв. Ингэснээр үйл ажиллагаа нь жигдэрч, төсөв, санхүүгийн хүндрэлгүй ажиллах бөгөөд олсон орлогоо улсын төсөвт бүрэн төвлөрүүлэх юм.

НИТХ 2009 онд тогтоол гарган цогцолборын тусгай хэрэгцээнд байсан 5220 га газрын 1220 га-г нь “Найрамдал” цогцолборт 15 жилийн хугацаатай эзэмшүүлэхээр шийдвэрлэсэн байна. Үлдсэн газрыг иргэд, аж ахуйн нэгжийн өмчлөлд өгсөөр байгаа нь цогцолборын үйл ажиллагаа доголдох, хүүхдүүдийн аюулгүй байдалд сөрөг нөлөө үзүүлэх үр дагавартай гэж үзлээ.

Иймээс газрын зөвшөөрлүүдийг судалж, ямар арга хэмжээ авах саналаа Засгийн газарт танилцуулах, шинээр газар өмчлүүлэх, эзэмшүүлэх, ашиглуулах шийдвэр гаргахгүй байхыг Нийслэлийн Засаг дарга бөгөөд Улаанбаатар хотын захирагч С.Амарсайхан, сайд С.Чинзориг нарт даалгав.

Мөн улсын төсвийн хөрөнгөөр барьж байгаа Хүүхдийн усан спортын цогцолбор барилгын ажлыг ирэх онд дуусгаж ашиглалтад оруулах, дулааны станцыг шинэчлэх, шугам сүлжээг өргөтгөж, засварлахад шаардагдах хөрөнгийг 2020 оны төсөв тусгахаар болов. 

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
604122
1 эможи

ЗӨВ
2019-05-29 17:50
ЭНЭ хавьд ойгоос нарс модийг ухан авч, зуслангийн хашаанд шилжүүлэн суулга ажил их хийгдэж байнга. ЭНД БАЙГАЛ орчны байцаагчийн хяналт их үгүйлэгдэж байна.
keyboard_arrow_up