Arslan.mn

Цагаан ордны захиргаа вакцин хийлгэсэн гадаадын иргэдийг АНУ-д нэвтрүүлэхэд тавигдах хязгаарлалтыг зөөлрүүлэхээр бэлтгэж байгаа талаар мэдээлэл гарчээ.

Энэ оны арваннэгдүгээр сард Байдены Засаг захиргааны шинэ бодлого хүчин төгөлдөр болох ба үүний хүрээнд АНУ-ыг зорих гадаадын иргэдэд онгоцонд суухаасаа өмнө бүрэн вакцин хийлгэсэн, вакцинд хамрагдсанаа нотлох баримт бичигтэй байх ёстой гэсэн шаардлага тавина гэж Цагаан ордны “КОВИД-19”-ийг зохицуулагч Жефф Зиентс сэтгүүлчдэд ярьжээ.

Мөн гадаадын иргэд АНУ-ын нутаг дэвсгэрт хөлөө тавьснаас хойш гурав хоногийн дотор “КОВИД-19”-ийн шинжилгээ өгөх ёстой аж.

Вакцины бүрэн тунд хамрагдсан л бол олон улсын аялагчдыг АНУ-д ирсний дараа хорио цээрийн дэглэмд хамруулах шаардлагагүй гэжээ.