Arslan.mn

Тэмээчин бүсгүй Н.Байгальмаа өнгөрөөд хоёр сар болж байна. Тэрээр гэртээ шатсан байдалтай олдсон талаар бид өмнө мэдээлж байсан. 

Энэ талаар Цэрэн цахим хуудаснаа “2021.05.16-нд маш харамсалтай хэрэг гарсан билээ. Энэ хэрэг гараад 3 цаг өнгөрч байхад талийгаачийн ээж Норжмаа лайв хийж түүгээрээ иргэн Цэрэнг илтэд олон нийтэд жигшүүлэх мэдэгдэл хийсэн юм.

“Цэрээн чи цог ц соо ав!” хэмээн уйлж Монгол даяар иргэн Цэрэнг захиалгат алуурчин болгов.

Олон хүн иргэн Цэрэнг амьд явах аргагүй болтол гутаан доромжилж цөөнгүй хүн дахин дахин Цэрэнг захиалагч мэтээр олон нийтийн сүлжээнд баримтгүйгээр сэвэв.

Энэ хугацаанд Налайхын цагдаад би сэжигтнээр мэдүүлэг өгч энэ хэрэг санаандгүй хэрэг бус гэж үзэж буйгаа хэллээ. Хоёр сарын хугацаанд би ганц үг ганхийсэнгүй хүлээлээ. Галын дүгнэлт, шүүх шинжилгээний дүгнэлт гарах хугацаа аль хэдийн хуулиараа өнгөрсөн ба энэ хэргийг олон нийтээс нууцалж буй мэт. Харин гал яаж гарав? Ахуйн гал уу? Санаатай тавьсан уу?

Охин нь шинэхэн өргөө гэртээ өөр хүнтэй хайлсныг олон нийт мэдэхээс өмнө олноос нууцалж төөрөгдүүлж, анхаарлыг хадам эх Цэрэнгийн эсрэг эргүүлсэн нь амжилттай болов.

Олныг цочирдуулсан энэ хэргийн араас нэгч сэтгүүлч сурвалжилсангүй. Эцэст нь ганц л сонирхол байх шиг: Энэ хэргийн жинхэнэ учрыг олон нийтэд мэдээлвэл Цэрэн буруугүй эсрэгээрээ нэр төр нь цэвэршиж гэмгүй нь тодроно. Иймээс иргэн Цэрэнг олны өмнө ёс зүйн хувьд гэмтэн мэт харагдуулах, жигшүүлэх, доромжлуулах, яллуулах сонирхол байх шиг. Эс бөгөөс энэ дуулиантай хэргийг сүржин аргагүй мэдээлмээр юм.

2021.07.15. Иргэн Цэрэн” гэжээ.