Arslan.mn

“Дэлхийн мисс-2019”-д Монгол Улсаа төлөөлж Мандахын Цэвэлмаа оролцох эрхээ аваад буй юм. 

М.Цэвэлмаа АШУҮИС-ийн Анагаах ухааны сургуулийг хүний их эмч мэргэжлээр төгссөн ба одоо сургуульдаа мэдрэлийн резидент эмчээр суралцдаг. Орос, Англи хэлтэй.

Түүнийг эх дэлхийн тайзнаа бусад орны гоо бүсгүйчүүдээс ялгарах онцлог бүхий танилцуулга бичлэг бэлэн болжээ. Тэрээр уг бичлэгт Монгол орныхоо үзэсгэлэнт байгаль, уламжлалт ёс заншил, суралцсан мэргэжлийнхээ онцлог, авьяас чадвар зэргээ онцгойлон харуулахыг зорьсон байна.

Гоо сайхны хамгийн том наадам гэгдэх “Дэлхийн мисс”-ийн 69 дэх удаагийн тэмцээнд М.Цэвэлмаа оролцож, дэлхийн 130 орны гоо бүсгүйчүүдтэй энэ сарын 20-ноос ирэх сарын 14-ныг хүртэл авьяас чадвараа сорих юм.

Энэ жилийн Дэлхийн мисс тэмцээн нь Английн Лондон хотноо болно.