Төмөрийн Ариунаагийн “Тэнгэр шиг бай” тоглолтын тасалбар худалдаанд гарлаа
Монгол Улсын гавьяат жүжигчин, НҮБ-ын Хүүхдийн элч дуучин Төмөрийн Ариунаа ирэх арваннэгдүгээр сарын 08-нд “Буянт-Ухаа” цогцолборт өөрийн бие даасан 15 дахь “ТЭНГЭР ШИГ БАЙ” тоглолтоо хийхээр бэлтгэл ажилдаа орсон бөгөөд тоглолтын тасалбар аль хэдийнэ худалдаанд гарчээ.
Тасалбарыг “ticket.mn”-ийн салбаруудаар худалдан авах боломжтой бөгөөд үнийн хувьд 30-120 мянган төгрөгийн үнэтэй байна. Мөн 1900-1800 дугаарт залган байгаа газартаа хүргүүлэх боломжтой.
“Тэнгэр шиг бай” тоглолт нь үндсэн гурван хэсэгтэй бөгөөд гурван цаг үргэлжилнэ. “Тэнгэр шиг бай” тоглолт тэсрэлттэй, гайхамшигтай, мэдрэмжтэй, догдлолтой доргио, амьд болно гэдэгт итгэж байна, бас хүлээж байна. Дэлгэрэнгүй мэдээллийг: 8018-8803, 8921-3494 дугаараас аваарай.