Үлгэр жишээ 7 ХҮҮХЭДТЭЙ ГЭР БҮЛД орон сууц бэлэглэхээр БОЛЛОО
Намрын эхэн сарын шинийн 15-ны билэгт сайн ѳдѳр 7 хүүхэд ѳсгѳж хүмүүжүүлж байгаа Х.Базаррагчаа болон Б.Даваасүрэн нарт М-СИ-ЭС КОКА КОЛА компаны хамт олны зүгээс орон сууц бэлэглэжээ.
Тодруулбал: Х.Базаррагчаа нь М-СИ-ЭС КОКА КОЛА компанд түгээгчээр ажилдаг бөгөөд эхнэр долоо хүүхдийн хамт амьдардаг шаргуу хөдөлмөрч нэгэн аж.
Тэднийх зургаан хүү нэг охинтой өнөр өтгөн айл юм. Гэрийн эзэн Х.Базаррагчаа, эхнэр Б.Даваасүрэн нар 2007 онд нэг гэрт орж, гал голомтоо асаасан цагаас хойш долоон хүүхдийн ээж аав болжээ. Тэдний хувьд 2006 онд танилцсан бөгөөд 2007 оны гуравдугаар сарын 8-нд өрх тусгаарласан байна.
Аз жаргалыг их мөнгө төлж авдаггүй гэдгийг энэ гэр бүлийн бүтээж буй амьдрал харуулна. Хүүхдүүд нь эрүүл саруул, инээд хөөрөөр гэр дүүргэх нь аав, ээжийн хувьд аз жаргал. Зургаан хүүгийн дараа гэр бүлдээ гэрэл нэмж ирсэн бяцхан охин нь хамгийн том аз жаргал нь гэлтэй.
Тэдний хувьд хүүхдийнхээ дэргэд огт ам мурийдаггүй халамжтай хүүхдүүдээ хүртэл биенээ хайрлах хүндлэх ухаанд сургаж буй үлгэр жишээч гэр бүл юм. Хайртай гэж хэлэхээс илүү халамжаараа хайраа илэрхийлэх нь хайрыг урт настай болгодог гэдэг өгүүлбэр энэ гэр бүлийг илүү тодотгож байх шиг.
Эх сурвалж: eyreg.mn
|