БНХАУ-ын Сычуань мужид 'T.O.P-ын Номын Сан' байгуулагджээ
BIGBANG хамтлагийн T.O.P-ийн фэнүүд 2017 онд орон гэргүй хүмүүст хувцас болон орон гэртэй болгох сайн дурын ажил явуулж байсан юм. Мөн түүний 30 насны төрсөн өдрөөр Unicef-д T.O.P-ийн нэрээр хандив өргөж байжээ. Үүгээр ч зогсохгүй аутизмтай хүүхдүүдийн дуу хоолойг нийгэмд хүргэх зорилгоор тэдэнтэй хамтран үзэсгэлэн зохион байгуулжээ. Харин Япон фэнүүд хамтран асрамжийн газруудад T.O.P-ийн нэрээр хандив өргөсөн аж.
Түүний фэнүүд орон бүрт идэвхтэй үйл ажиллагаа явуулдаг бөгөөд T.O.P-ийн төрсөн өдрөөр фэнсайт бүр нь маш онцгой, онцгой зүйлсийг санаачлан зохион байгуулдаг гэнэ шүү.
Ийнхүү 2018 онд Хятад дахь T.O.P-ийн фэнүүд хамтран Сычуань мужид доорх номын санг байгуулсан байна. Энэхүү номын сан нь 100% фэнүүдийн хандиваар боссон бөгөөд 1500 орчим шинэ болон хуучин номтойгоор үйл ажиллагаагаа эхлүүлжээ.
Эх сурвалж: КПОП сонсогчид
|