Arslan.mn

Их Британийн хоёрдугаар Элизабет хатан хааны ач хүү Харри өчигдөр Уиндсор ордонд хуримаа хийлээ.

Америкийн жүжигчин Меган Маркл, ханхүү Харри нар Бямба гарагт Их Британийн Уиндсор ордонд хуримласан ба тус бүр шинэ хэргэм зэрэгтэй болжээ. Тэднийг одооноос эхлэн Сассексийн гүн ба гүнгийн авхай хэмээн нэрийдэх юм байна.

Харри хаан ширээ залгамжлах ханхүү биш учир энэхүү гэрлэлт хааны гэр бүлийн хувьд тийм ч чухал ач холбогдолтой биш юм. Харин сүйт бүсгүйн хувьд Америк гаралтайгаас гадна өнгөт арьстай, түүнчлэн өмнө нь гэрлэж байсан, Харригаас гурав эгч буюу 36 настай гэхчлэн Их Британийн хааны гэр бүлд нэлээдгүй өвөрмөц бүсгүй орж байгаагаараа маш онцлог хурим байлаа.

Харин хуриманд олны танил зочид их байсан нь их сонирхол татлаа.