Arslan.mn

Токио 2020 олимпын 29-ний өдөр зохион байгуулагдсан эмэгтэй ганцаарчилсан гимнастикийн төрөлд Германы хоёр тамирчин оролцсон бөгөөд нэг тамирчин бүх биеэ халхалсан хувцас өмссөн нь олны анхаарлыг татаад байна. Харин үлдсэн нэг тамирчин болон бусад орны тамирчид бүгд гимнастикийн зориулалтын хувцас өмсөн оролцжээ.

Германы эмэгтэй баг тамирчид энэ оны дөрөвдүгээр сард болсон Европын аварга шалгаруулах тэмцээнд мөн бүх биеэ халхалсан хувцастай оролцсон байна.

Тус Германы эмэгтэй тамирчид “Бүх хүн хүссэн хувцсаа өмсөх эрхтэй гэдгийг ойлгуулахыг хүссэн. Тэмцээнд оролцох үедээ тухгүй мэдрэмж авах, хүйсийн ялгаатай байдал нэмэгдэх үед өөрийн өмсөхийг хүссэн хувцсаа өмсөж чадвал, тэр нь эмэгтэй тамирчдаа хамгаалж буй хэрэг болно.” хэмээн сэтгэгдлээ хуваалцсан байна.