Arslan.mn

Криштиану Роналду өнгөрсөн долоо хоногт “Сассуоло”-гийн хаалганд гоолдчихоод баяраа багийн хамтрагч Дибалатай хамт тэмдэглэсэн. Тэгвэл энэ долоо хоногт Криштиану Роналду гоолын баяраа Дибалагийн стилиэр тэмдэглэж, Дибала гоолын баяраа К.Роналдугийн стилиэр тэмдэглэсэн нь хоёр залуугийн хооронд өнгөц биш нөхөрлөл үүссэнийг нотолсон бөгөөд энэ нь сэтгүүлчдээр дамжин спорт сонирхогчдын ярианы сэдэв болоод байна.

Дибала “Юве”-гийн ерөнхий дасгалжуулагчийн анхаарлыг татаж чадахгүй байгаа ч гол одынх нь анхаарлыг татаж чадсан бололтой хэмээн хэвлэлүүдэд тэдний нөхөрлөлийн талаар бичиж байна.

Сүүлийн хагас жил тэд үнэхээр дотно нөхөрлөж байгаа бөгөөд хамт оройн хоол идэж, чөлөөт цагаа хамт өнгөрүүлэх болсон байна. Энэхүү харилцаанд Роналду багш, Дибала шаийн байр суурьтай байгаа бөгөөд Роналду залуу хамтрагчдаа байнга зөвлөгөө өгдөг болжээ.

Дибала ч үгийг нь сайн авч, ахиц гаргаж байгаа гэнэ. Роналду бэлтгэлд хамгийн түрүүнд ирж, хамгийн сүүлд явж байхыг Дибалад захидаг гэж “Tuttosport”-д бичжээ. Сонирхолтой нь, К.Роналдутай ойртох тусам шигшээ багийн анд Л.Месситэй харилцах харилцаа нь хүйтэрч байгаа гэсэн яриа бас гарах болсон байна. Хоёр том одын талаар ярихдаа П.Дибала болгоомжтой ханддаг ч Роналдуг илүү магтдаг болжээ.

Роналду багийн нөхөдтэйгөө найзалдаггүй гэдгээрээ алдартай. Шигшээ багт тэрээр Куарежматай байнга хамт байж, “Реал”-д Марселотой ярилцдаг байсан ч найзынхаа стилиэр гоолын баяраа тэмдэглэж, хүнд цаг мөчид нь дэмжлэг үзүүлж, чөлөөт багаа байнга хамт өнгөрүүлэн зураг хөргөө “гамгүй” даруулж байгаа нь анх удаа юм.