Image result for james harden

NBA-гийн өнгөрсөн улирлын шилдгүүдийг зарлав. “Хьюстон Рокитс”-ын хамгаалагч Жеймс Харден улирлын үнэ цэнэтэй тоглогчоор тодорлоо. Түүнтэй энэ шагналын төлөө “Кливлэнд Кавальерс”-ын Леброн Жеймс, “Нью Орленс Пеликанс”-ын Энтони Девис нар эцсийн шатанд өрсөлдсөн ч Харден илүү санал авчээ. Тэр үнэ цэнэтэй тоглогчийн санал асуулгад 2 жил дэд байрт орж байв. Тэрбээр 2015, 2017 онд санал асуулгад эхлээд Стивен Керри, дараа нь Рассел Уэстбүркийн ард бичигдсэн. Харин энэ улиралд 30.4 оноо авч, баг нь 65-аас дээш ялалт байгуулсан юм. Тоглогч өөрөө 30-аас дээш оноо дунджилсан, баг нь 65-аас дээш ялсан тохиолдолд тухайн улиралдаа үнэ цэнэтэй тоглогч болдог бичигдээгүй хуулийг энэ удаа ч зөрчсөнгүй. “Рокитс”-ын түүхэнд улирлын үнэ цэнэтэй тоглогч болсон 3 дахь тоглогч бөгөөд түүнээс өмнө Хакем Олажувон, Мозес Малоун нар энэ шагналыг хүртэж байлаа. Түүнчлэн NBA-гийн түүхэнд 30 оноо дунджилсан, баг нь 65 ялсан дөрөв дэх тоглогч юм. Түүнээс өмнө Карим Абдул Жаббар, Майкл Жордан, Стифен Керри нар ийм амжилт үзүүлж байв.

2017-2018 оны NBA-гийн шагналтнууд:

Үнэ цэнэтэй тоглогч: Жеймс Харден, /Хьюстон Рокитс/

Шилдэг хамгаалагч: Руди Гобер, /Юта Жазз/

Шинэ тоглогч: Бэн Симмонс, /Филадельфи 76/

Шилдэг зургаа дах тоглогч: Луи Уильямс, /Л.А Клипперс/

Амжилт ахисан тоглогч: Виктор Оладипо, /Индиана Пэйсерс/

Шилдэг дасгалжуулагч: Дуэйн Кэйси, /Торонто Рэпторс/