Arslan.mn

Кока-Кола компани нь Дэлхийн Хөлбөмбөгийн холбооны  албан ёсны түнш бөгөөд хамтын  ажиллагааныхаа хүрээнд 2018 оноос эхлэн Дэлхийн аваргын цомыг аялуулдаг уламжлалтай болсон.

Энэхүү аялал нь энэ жил дөрөв дэх удаагаа тохиож байгаа бөгөөд цомын аялал Улаанбаатар хотноо  хоёр газраар айлчлахаар болжээ.

Хүн төрөлхтний хамгийн том спортын баяруудын нэг Хөлбөмбөгийн Дэлхийн Аваргын цом нь 36.8 см өндөр, 6.1 кг жинтэй, 18 каратын 5 кг алтны орцтой байдаг.  Зөвхөн Дэлхийн Аварга болсон багийнхан болон тухайн улсын ерөнхийлөгч нарын гарт очдог энэхүү цомыг ДАШТ болохоос өмнө дэлхийн 53 орноор аялуулах юм байна.