Arslan.mn

Япончууд Харүмафүжи аваргын талаарх сайхан сэтгэгдэл, дурсамжуудаа харамгүй хуваалцаж байна

Ёкозүна Харүмафүжи Д.Бямбадорж өнгөрсөн сарын 25-нд Таканоиватай маргалдаж, толгойг нь шар айрагны шилээр цохиж гэмтээсэн хэрэг гарсан. Иймд хоёр бөхөд энэ сарын барилдаанд оролцуулаагүй юм.

Японы Мэргэжлийн сүмогийн холбоо болсон явдлыг шалгаж эхэлсэн ч эцсийн хариугаа гаргаагүй байна. Харин японы жиргээчид "Бидний хайртай Харүмафүжи" гэдэг tag-аар  Харүмафүжи аваргын талаарх сэтгэгдэл, дурсамжуудаа харамгүй хуваалцаж эхэлжээ.

• "Хамт явж байсан бөх нь "Аварга яарч байна" гээд гар барих гэсэн хүмүүсийг хориглосон ч Харүма аварга тэргэнцэртэй настныг хараад, хажууд нь сууж, "Та урт удаан наслаарай" гэж инээмсэглэн хэлээд гар барьсан."
• "Зурагтын бичлэгийн үеэр, унах гэж байгаа хүнийг хараад өөрийн эрхгүй гараа сунгах Харүмафүжи"
• "Энэ удаагийн хэрэг явдлынх нь талаар ярилцлага авах гэж шавсан сурвалжлагчдын нэг нь бүдэрч унахаа шахахад Харүма " зүгээр үү, болгоомжтой бай" гэж хэлсэн".

Энэ мэтээр олон арван япончууд Харүма аваргын сайхан сэтгэл, зөөлөн зангийн тухай харсан, сонссон зүйлсээ бусад жиргээчидтэй хуваалцан, монгол аваргыг дэмжсээр байгаа юм байна.