COVID-19 7 хоногийн тойм -22°C 2639.86 ₮
03 сарын 29, Баасан
Өнөөдөр

Arslan.mn

Монголын сагсчид Дэлхийн аварга боллоо

2017 оны 9 сарын 18

БНХАУ-ын Шиамень хотод болж буй 3х3 сагсан бөмбөгийн дэлхийн оюутны лигт Монгол Улсын баг АЛТАН медаль хүртлээ. Алтан медалийн төлөөх тоглолтод Монголын сагсчид Сербийн багийг 21:17 хожиж нэгэн түүхэн амжилт үзүүллээ. Ингэснээр Монголын багийн спортын түүхэн дэх анхны Дэлхийн аварга баг болж байна.

Монголын сагсчид хэсгээсээ гурваар гарч хасагдах шатны тоглолтоо Аргентиний багтай хийж 19:13 хожиж наймд шалгарсан. Хагас шигшээд үлдэх хариуцлагатай тоглолтоо Ираны эсрэг тоглож 20:19 ялсан юм. Улмаар медалийн төлөөх тоглолтод Чилийн багийг 19:13 хожиж шигшээд шалгарсан.

Тэмцээний албан ёсны нэр нь 3x3 FISU World Universiy League-2017 Final ба 2017 онд зохион байгуулагдсан тивийн аваргууд, тэмцээнүүдээс шалгарсан шилдэг багуудын тулаан юм.

Манай баг өнгөрөгч дөрөвдүгээр сард Малайзад Азийн оюутны аваргад алтан медаль авснаар энэхүү тэмцээнийг зорих эрхтэй болсон. Энэхүү тэмцээнд түрүүлснээр Монголын 3х3 сагсан бөмбөгийн оюутны шигшээ баг Мексикийн Их дуулга ангиллын тэмцээнд оролцохоор боллоо.

Б.ЦЭЛМЭГ

Мэдээнд өгөх таны үнэлгээ?
Like an post Love an post
haha an post
wow an post
yay an post
1
sad an post
ouch an post
confuse an post
angry an post
47136
1 эможи
keyboard_arrow_up