ФОТО: ”Ашгабат-2017”-д оролцох тамирчдаа үдэн гаргаж өгч байна
2017 оны 9 сарын 11
"Ашгабат-2017" 5 дахь удаагийн Азийн танхимын болон тулааны спортын наадам энэ сарын 17~27-нд Туркменстан улсын Ашгабат хотод болно. 63 улсын тамирчид спортын 21 төрлөөр өрсөлдөх 5 дахь удаагийн Азийн танхимын болон тулааны спортын наадамд манай улс спортын 12 төрлөөр нийт 64 тамирчны бүрэлдэхүүнтэйгээр оролцох юм.
Баг тамирчдаа үдэн гаргах ёслолын ажиллагаа яг одоо МҮОХ-ны хурлын танхимд болж байна.
2005 оноос эхлэн зохион байгуулагдсан Азийн танхимын болон тулааны спортын наадмаас манай улсын баг тамирчид 2 алт, 7 мөнгө, 14 хүрэл нийт 23 медаль хүртэж байжээ.
2005 онд Тайланд улсын Бангкок, 2007 онд БНХАУ-ын Макао, 2009 онд Вьетнам улсын Ханой хотод Азийн танхимын спортын наадам нэртэйгээр, 2009 онд Тайланд улсын Бангкок хотод Азийн тулааны спортын наадам нэртэйгээр зохион байгуулагдаж 2013 онд БНСУ-ын Инчён хотод Азийн танхимын болон тулааны спортын наадам нэртэйгээр зохион байгуулагдах болсон байна.
Мэдээнд өгөх таны үнэлгээ?
46853
0 эможи