ФОТО: “ХҮҮХДЭЭ ХАМГААЛЪЯ“ аяны хүрээнд тавигдаж буй “ХАЙРЛАХЫН УЧИР“ жүжгийн нээлт боллоо
Цагдаагийн байгууллагаас хүүхдийг гэмт хэрэг, зөрчлөөс урьдчилан сэргийлэх, гэмт хэргийн шалтгаан нөхцлийг арилгах, гаралтыг саармагжуулах зорилгоор “Хүүхэд хамгаалал” нэгдсэн арга хэмжээг энэ оны 04 дүгээр сарын 01-нээс сарын хугацаатай улсын хэмжээнд зохион байгуулж эхэлсэн.
Тус аяны хүрээнд өнөөдөр “ХАЙРЛАХЫН УЧИР“ жүжгийг үзэгч олонд толилууллаа.
Арга хэмжээний үеэр алба, нэгж, нутаг дэвсгэр хариуцсан цагдаагийн байгууллагууд хүүхдийн эсрэг хүчирхийлэл, гэмт хэрэг, зөрчлийн шалтгаан нөхцөлийг арилгах, таслан зогсоох, илрүүлэлт, шийдвэрлэлтийг ахиулах, хараа хяналтгүй, гэмт хэрэг, зөрчилд өртөж болзошгүй хүүхдүүдийн судалгааг хийж, тэдэнд тусламж үйлчилгээ үзүүлэх зэрэг ажиллагааг улсын хэмжээнд хийж, хэрэгжүүлж байна.