Arslan.mn

Өдөр тутмын хоолны хачир болгохоос гадна баяр ёслол, тэмдэглэлт өдрөөр ч хийж болох нэгэн амтат салатны жорыг хүргэж байна. Гарын доорх олдоц сайтай түгээмэл орцоор амтат салат хийж сураарай.

30 min

1. 1
   

   Үхрийн цул махыг давстай усанд хийж зөөлөртөл нь чанаад уснаас гаргаж хөргөөд жижиг дөрвөлжин болгож хэрчинэ.

2. 2
   

   Өндгийг буцалсан усанд хийж 12-15 минут чанаад хальслаад мөн жижиглэн хэрчинэ.

3. 3
   

   Бөөрөнхий сонгиныг салатанд тохируулан хэрчинэ.

4. 4
   

   Өргөст хэмх, улаан лоолийг угааж цэвэрлээд урт нарийн хэрчинэ. Сармисыг жижиглэн хэрчинэ. Хэрчсэн ногоонуудыг саванд хийнэ.

5. 5
   

   Саванд чанасан өндөг, жижиглэн татсан яншуй, бага зэрэг ногоон сонгиныг жижиглэн хэрчиж хийнэ. Хүсвэл коттеж бяслагыг үрж хийгээрэй. Бяслаг хийхгүй байсан ч сайхан амттай болох болно.

6. 6
   

   Ингээд үхрийн татсан махыг хийнэ.

7. 7
   

   Майноз болон давс, хар перцээр амтлаж сайтар хутгана. Майнозны оронд цөцгийгөөр амтлаж ч болно. өвөрмөц сайхан амттай болдог.

8. 8
   

   Ингээд салатыг хөргөгчинд хийж хөргөөд өөрийн сонирхолд тааруулан чимэглээд л идэхэд бэлэн боллоо.