2020 онд таны шүүгээнд байх ёстой САНДААЛНЫ тренд
2020 онд хувцас загварт огцом өөрчлөлт ороогүй бөгөөд өмнөх загваруудад бага зэргийн шинэчилэлт хийгдсэн байна. Зуны улиралд бидний хамгийн их өмсөх дуртай сандаал хүртэл өмнөх загварыг л давтах аж. "Аавын" сандаал, урт оосортой сандаал, минимал хэв маягтай углааш гээд бидний өмнөх зуны турш өмссөн загварууд моданд үлдсэн тул шинэ сандаалны эрэлд гарах шаардлагагүй биз ээ. Харин илүү шинэлэг стиль бүрдүүлэхийг хүсэж байвал платформ ултай углааш, пастель өнгийн сандаал, өсгийтэй сандаал зэрэг харьцангуй шинэ трендүүдэд анхаарлаа хандуулаарай.
ПЛАТФОРМ УЛТАЙ УГЛААШ
Платформ ултай гуталнууд ерөнхийдөө эрсдэл өндөртэй, дэгжин бус, болхи хэмээн тооцогддог ч бид бүгдийн хайртай The Row брэнд платформ ултай углаашыг загварлаг харагдуулж чадлаа.
ЖИЖИГ ӨСГИЙТЭЙ УГЛААШ
Энэ трендийг анх харахад үзэмжгүй, сонин санагдаж болох ч энэ зун таны шүүгээнд заавал байх ёстой гутлын нэг юм шүү. Уг сандаал нь жийнсэн өмд, даашинз, шоорт гээд ер нь бүх хувцастай зохицно.
"ААВЫН" САНДААЛ
Байж болох хамгийн хөлд эвтэйхэн тренд. Брэндүүдээс Prada-гийн санал болгосон хар өнгийн загвар хамгийн өндөр эрэлттэй байгаа бөгөөд хүсвэл үүнээс гадна илүү тод өнгийн хувилбаруудыг туршиж үзээрэй.
НАРИЙН ООСОРТОЙ МИНИМАЛ САНДААЛ
Гутал огт өмсөөгүй юм шиг харагдах, нарийн оосортой, минимал сандаалны тренд өнгөрсөн жилээс энэ жил рүү шилжин орлоо.
УРТ ООСОРТОЙ САНДААЛ
Урт оосортой сандаалыг оосрыг нь өмднийхөө гадуур ороож өмсөхийг санал болгож байна.
ПАСТЕЛЬ ӨНГИЙН САНДААЛ
Цайвар цэнхэр, гааны ногоон, beige, чихрэн ягаан зэрэг бүүдгэр өнгийн сандаалууд энэ зуны хамгийн том трендүүдийн нэг байх болно.