7 хоногийн тойм 24°C 2392.55 ₮
12 сарын 10, Даваа
Өнөөдөр

Arslan.mn

Шинэ жилээр таныг дур булаам харагдуулах даашинзууд

админ
2018 оны 12 сарын 03

12 сар гарч, охид бүсгүйчүүд шинэ жилийн үдэшлэгтэй бэлдээд тун ч завгүй байгаа болов уу. Харин ямар даашинз өмсөх вэ? гэдэг нь эмэгтэй хүн бүрийн хувьд хамгийн төвөгтэй асуудал болдгийг нуух юун. Энэ жилийн онцлох өнгө нь шар өнгө бөгөөд тоор жимсний шар, алтлаг шар, боронзон шар бүр шав шар өнгийг хүртэл та сонгож болно. Хар, цэнхэр, улаан, ногоон өнгөнүүд нь алтан гоёл чимэглэлтэй төгс зохицдог та чамин гоёлоор үдшийн даашинзаа чимэглэхээ мартуузай. Ингээд та бүхэндээ энэ шинэ жилийн баяраар таныг хамгийн дэгжин болоод үзэсгэлэнтэй харагдуулах даашинзуудыг танилцуулъя. 

Шинэ жилээр таныг дур булаам харагдуулах даашинзууд

1 Шар өнгийн даашинз

"Тhe pantone color institute"-ээс гаргасан 2017-2018 оны намар өвлийн загварын чиг хандлагад шав шар өнгийг оруулаагүй ч алтан шаргал, биеийн өнгөтэй, намрын шар өнгийг багтаажээ. Гоёлын даашинзиндаа ийм өнгө сонгоход нэн тохиромжтой.
Хэрвээ та бор өнгийн арьстай бол илүү дулаан, тод өнгө сонгоорой. Харин цагаан цайвар арьстай бол ямар ч өнгийн хувцас таньд сайхан харагдах болно.

Шар өнгийн даашинз

2 Алтан шар өнгийн чимэглэлтэй даашинз

Унжлага чимэглэл нь энэ улирлын трэнд болоод байна. Тэр тусмаа энэ жилийн трэнд өнгө нь алтан шар учраас ийм чимэглэлтэй даашинз, цамц, хувцаснууд маш гоёмсог харагдана. Тус төрлийн хувцсан дээр та ээмэг, зүүлт зүүх хэрэггүй бөгөөд нүүрний будалтан дээрээ анхаараарай.

Алтан шар өнгийн чимэглэлтэй даашинз

3 Хамбан материалаар хийсэн даашинз

Хамбан материал нь 2017-2018 оны намар, өвлийн трэнд болоод байгаа төдийгүй таныг ихэмсэг болоод халуухан харагдуулна. Тус төрлийн даашинз нь голчлон бие барьсан загвартай байх хэрэгтэйг анхаараарай.
Та бараан, ногоон, хөх зэрэг өнгийн хамбан даашинз өмсөх гэж байгаа бол шар, шаргал, алтлаг өнгийн чимэглэл зүүх хэрэгтэй. Алтлаг оосортой гар цүнх ч сайхан санаа шүү.

Хамбан материалаар хийсэн даашинз

4 Улаан богино даашинз

Улаан богино даашинз жил жилийн шинэ жилийн үдэшлэгийн классик сонголт байдаг. Тэгэхээр та шар өнгө сонгохдоо эргэлзэж байгаа бол улаан өнгийг сонгоорой. Сонгосон даашинз тань таны биеийн галбирт таарч байгаа эсэхийг бодож үзээрэй.
Харин хар бараан өнгийн даашинзиндаа түр баяртай гэж хэлээд ажил албандаа өмсөхдөө үлдээсэн нь зөв сонголт болно. 

Улаан богино даашинз

 

5 Ноосон цамц

Телевизийнхээ өмнө гэр бүлээрээ суугаад шинэ жилээ тэмдэглэх бол даашинзанд мөнгө зарцуулах нь утгагүй хэрэг шүү дээ. Тав тухтай байдлыг энэ жил онцлон авч үзэх хэрэгтэй. Яагаад шинэ жилийн зурагтай ноосон цамц болон гоёл чимэглэл сонгож болохгүй гэж. Эсвэл зүгээр л шар өнгөтэй ноосон цамц ч юм уу.

Ноосон цамц

 

Эх сурвалж: СAAK.MN
Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
597798
2 эможи

keyboard_arrow_up