Зурган дээр хэрхэн дур булаам гарах вэ?
Одуудын бодит байдал дээрх төрх нь зурган дээрхээ гүйцдэггүй нь нууц биш. Харин тэдний зурган дээр сайхан харагддаг арга ердөө л гэрэл сүүдрийг мэдэрч зөв байрлалд зогсдог явдал юм. Зургийг хэзээ ч авахуулж болно, харин зурганд үлдэх таны төрх мөнх билээ. Биеийнхээ өө дутагдлыг нууж, илүү хөөрхөн харагдахыг хүсэж байвал гэрэл зурагчин Jodi Ball-ийн дараах зөвлөгөөнд анхаарлаа хандуулна уу.
1 “S” хэлбэрийн зогсолт
Тэгшхэн зогсоход хөлийн майга илүү тодорч, том биетэй харагддаг. Түүний оронд бага зэрэг далийж зогсоорой.
2 Далий суулт
Бас л тэгшхэн биш, далий шугамын дагуу суувал чөлөөтэй, дур булаам харагдахаас гадна байгаагаасаа илүү туранхай харагдах давуу талтай.
3 Заримдаа бид зураг авахуулах үедээ өөрийн эрхгүй нүүрэндээ хүрчихдэг. Тэгвэл алгаа нүүрэндээ бүхэлд наах биш, хуруугаа салгаж, мөн нөгөө гараараа тохойгоо тулаарай.
4 Мөрөө бага зэрэг унжуулж өгөх нь хүзүүг урт харагдуулдаг. Мөн гараа хумихаас зайлсхий.
5 Өвдөгөө нугалах
Зогсор байрлалаар зураг авахуулж байгаа бол “S” хэлбэрээр зогсохоо мартаж болохгүй. Мөн өвдөгөө бага зэрэг нугалвал илүү дээр харагдах болно.
6 Камерны өөдөөс яг чигээрээ харж зураг авахуулах нь илүү гялаан нүүртэй, тарган харагдах үндсэн нөхцлийг бүрдүүлнэ. Харин үүний оронд толгойгоо үл ялиг унжуулж, нүүрээ аль нэг талруу илүү чиглүүлвэл зохимжтой.