Монгол улсын инфляци өмнөх жилүүдийнхээс буурсан үзүүлэлттэй байна

Сүүлийн хоёр сард Монгол Улсын инфляцийн эрч суларч, оны эхнээс тооцсон хэрэглээний үнийн индексээр илэрхийлсэн инфляци өнгөрөгч долдугаар сарын байдлаар 2.3 хувьтай гарчээ. 2014 болон 2015 онд буюу сүүлийн хоёр жилийн хөдөлгөөнийг харахад долдугаар сард инфляци өмнөх сараас өсөлттэй байсан бол энэ удаад буурах чиглэлтэй байна хэмээн Төвбанкнаас мэдээллээ. Монголбанкнаас оны эхнээс 2.3 хувийн өсөлттэй гараад байгаа инфляцийн түвшинг ирэх хоёр улиралд төдийлөн өсөхгүй харин 2016 оны сүүлээс нэмэгдэх төлөвтэй байгааг онцолж байна. Улмаар 2017 онд зорилтот түвшнээс өндөр буюу долоон хувиас давах төлөвтэй байгааг Монголбанкны инфляцийн төлөв байдлын тайланд дурджээ.

Мэдээнд өгөх таны үнэлгээ?