COVID-19 7 хоногийн тойм -22°C 2639.86 ₮
12 сарын 06, Ням
Өнөөдөр

Arslan.mn

МОНГОЛБАНК: Ипотекийн зээл төлөлтийн хугацааг дахин сунгах эсэх нь тодорхойгүй байна

админ
2020 оны 8 сарын 27

Гэрэл зургийг MPA.MN

Монголбанкнаас өнөөдөр санхүүгийн тогтвортой байдлын талаар мэдээлэл хийлээ. 
 

Монголбанкны Нөөцийн удирдлага, санхүүгийн зах зээлийн газрын захирал А.Энхжин:    

"Монголбанк, Сангийн яам, УИХ-аас баталсан хууль, холбогдох тогтоолын дагуу орон сууцны хөнгөлөлттэй зээлийн хүрээнд олгосон зээлийн төлөлтийг зургаан сараар хойшлуулах шийдвэр гарсан. 

Энэ хүрээнд өнөөдрийн байдлаар нийт ипотекийн 73,000 зээлдэгчээс 38,000 нь төлбөрийн хугацаагаа хойшлуулах хүсэлт гаргасан. Энэ хүрээнд нийт 2 их наяд төгрөгийн зээлийн төлбөрийг зургаан сарын хугацаанд буюу аравдугаар сарын 31-н хүртэл хойшлуулсан. Үлдсэн зээлдэгчдийн хувьд хүүгийнх нь зөрүүг олгохоор болж байгаа.

Одоогоор бидний хэрэгжүүлж байгаа арга хэмжээний хугацаа дуусаагүй байгаа тул ипотекийн зээл төлөлтийн хугацааг дахин сунгах эсэх талаар хэлэх боломжгүй байна. 

Аравдугаар сарын 31-н хүртэл эдийн засгийн нөхцөл байдал ямар байх вэ, зээлдэгчдийн хувьд ямар хүндрэлүүд гарах вэ гэдгийг харгалзаж байж дараагийн шийдвэрийг гаргана" хэмээн тайлбарлалаа.

Харин хэрэглээний зээлийн хугацааг сунгах шийдвэрийн хүрээнд 2020 оны долдугаар сарын байдлаар 75,000 гаруй зээлдэгчийн 600 гаруй тэрбум төгрөгийн зээлийг хугацааг сунгасан гэдгийг Монголбанкны Мөнгөний бодлогын газрын захирал Б.Баярдаваа нэмж хэлэв. 

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
1
ouch an post
confuse an post
angry an post
619472
1 эможи

Дорж
2020-08-27 14:08
Сунгах хэрэгтэй бна аа орлого байхгүй өрнөөс өрний хооронд бна шүү сайд дарга нараа
keyboard_arrow_up