7 хоногийн тойм -22°C 2639.86 ₮
09 сарын 24, Мягмар
Өнөөдөр

Arslan.mn

Монголбанк: Төв банкны хараат бус байдлыг хангах нь эдийн засгийн өсөлтөд чухал үүрэгтэй

админ
2019 оны 5 сарын 03

Arslan.mn

Төв банкны бие даасан, хараат бус байдал, түүний эрх зүйн зохицуулалт сэдэвт эрдэм шинжилгээний хурлыг Монгол Улсын Их Хурлын Хууль зүйн байнгын хороо, Монголбанк хамтран өнөөдөр зохион байгууллаа.

Эрдэм шинжилгээний хуралд эрдэмтэн судлаачид “төв банкны бие даасан, хараат бус байдал, түүний эдийн засагт үзүүлэх нөлөөлөл, Монголбанкны хараат бус байдлыг дээшлүүлэхэд анхаарах асуудал, хууль, эрх зүйн орчиныг төлөвшүүлэх талаархи” судалгаа, судалгаанд үндэслэн гаргасан санал, дүгнэлтийг танилцуулж, хэлэлцүүлэв.

Уг хэлэлцүүлэгт Улсын Их Хурал, Хууль зүй, дотоод хэргийн яам, Сангийн яам, Санхүүгийн зохицуулах хороо, Төрийн албаны зөвлөл, олон улсын санхүүгийн байгууллагууд, Монголын банкны холбоо, банк, Шүүхийн Ерөнхий зөвлөл, Монголын хуульчдын холбоо, Өмгөөлөгчдийн холбоо, Хууль зүйн үндэсний хүрээлэн, шүүх, прокурор, цагдаа, хууль зүйн болон эдийн засгийн их сургуулиуд, олон нийтийн төлөөллийн 140 гаруй оролцогчтой өргөн хүрээнд зохион байгуулагдлаа.

Arslan.mn

Эрдэм шинжилгээний хурлыг Улсын Их Хурлын Хууль зүйн байнгын хорооны дарга Ш.Раднаасэд, Монголбанкны Тэргүүн Дэд Ерөнхийлөгч О.Эрдэмбилэг нар нээж хэлсэн үгэндээ “Төв банк өөрийн чиг үүргийг хараат бусаар хэрэгжүүлж байж гэмээнэ мөнгөний бодлого зохистой хэрэгжиж, санхүүгийн тогтвортой байдал хангагдахад дэмжлэг болж, эдийн засгийн хөгжлийг дэмждэг” болохыг онцолсон байна.

Төв банк үйл ажиллагааныхаа үндсэн зорилт болох үнийн түвшиний тогтвортой байдлыг хангах үндэслэл нь түүний бие даасан байдал болохыг судлаачид тэмдэглэлээ. Мөн харьцуулсан судалгаагаар улс орнууд төв банкны бие даасан, хараат бус байдлын ач холбогдолыг өндөрт авч үзэж, бие даасан байдлыг Үндсэн хууль болон нарийвчилсан органик хуульд тусган баталгаажуулдаг нь харагдаж байна.

Arslan.mn

Тус эрдэм шинжилгээний хурлаар судлаачид судалгаагаа танилцуулахаас гадна төв банкны хараат бус, бие даасан байдлын зарчимыг хэрхэн Монгол Улсын хөрсөнд буулган хуулиар баталгаажуулах талаар санал, дүгнэлт өгч, хэлэлцүүлсэнээрээ онцлог ач холбогдолтой боллоо.

Arslan.mn

Arslan.mnArslan.mnArslan.mnArslan.mn

Arslan.mnArslan.mn

Эх сурвалж: ГЭРЭЛ ЗУРГИЙГ MPA.MN
Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
603040
0 эможи

keyboard_arrow_up