Arslan.mn

Монголбанкнаас өнөөдөр хэвлэлийн бага хурал хийж, сэтгүүлчдийн асуултад хариуллаа.

Энэ оны гуравдугаар улирлын эцсийн мэдээгээр Монгол Улсын нийт гадаад өрийн үлдэгдэл 26 сая ам.долларт хүрч, өмнөх оны мөн үеийн гүйцэтгэлээс 1.375 сая ам.доллараар нэмэгджээ.

Салбараар нь авч үзвэл Засгийн газрын гадаад өр 1,341 сая ам.доллараар нэмэгдэж 6,241 сая ам.долларт хүрсэн бол Монголбанкны  гадаад өр 175 сая ам.доллараар өсч 1,904 сая ам.долларт хүрсэн байна.

Мөн хадгаламжийн байгууллагуудаас олгосон зээлийн үлдэгдэл жилийн өмнөхөөс 6.5 хувиар өссөн бол өмнөх сараас бага зэрэг буюу 0.3 хувиар буурч 13.4 их наяд төгрөг болжээ.  Өмнөх сартай харьцуулахад хувийн хэвшлийн зээлийн үлдэгдэл 30 тэрбум төгрөгөөр нэмэгдэж, иргэдийнх 58 тэрбум төгрөгөөр буурсан байна. Зээлийн 50 хувь нь аж ахуй нэгжид, 49 хувь нь иргэдэд олгогджээ.

Нийт ипотекийн зээл 4217.7 тэрбум төгрөгт хүрсэн байна бөгөөд зээлийн 1.9 хувь нь чанаргүй гэсэн ангилалд багтаж байгаа бол 2.2 хувийг хугацаа хэтэрсэн зээл эзлэх болжээ.

Улсын хэмжээнд ипотекийн зээлд хамрагдсан иргэдийн тоо 92706-д хүрсэн байна.